CIV.
Dou quint Element.
Li contes a devisé cà arrieres de la nature des iiij . elemenz,
ce
est dou feu , de l'air , de l'aigue et de la terre ;
mais
Aristotes li granz philosophes dist que il est un autre element hors de ces .iiij .
qui n'a point de nature de complexion
as autres,
aincois est si nobles que il
ne puet pas estre esmeuz ne corrumpuz
si comme font li autre element.
Et por ce dist il meismes que se nature eust formé son cors de celui
element,
que il se tendroit asseur de la mort, porce qu'il ne porroit morir en nul maniere.
Cist elemenz est apelez orbis,
ce est uns ciels reons qui environne
et enclost dedanz soi touz les autres elemenz
et les autres choses qui
sont hors de la divinité;
et est autressi au monde comme est l'escaille
d'un uef,
qui enclost et enserre ce qui est dedanz.
Et porce que
il est
touz reons,
covient il à fine force que la terre et la forme dou monde
soient reont.
fol 45 :
Éléments
